व्यक्त होण्यासाठी !

भ्रम असतो काहीसा, लेखणी लिही कविता
ही तर दैवी देणगी , व्यक्त तुला होण्यासाठी ॥

भ्रम असतो असाही , ’मी’लिहीतो कवितेला
काही जरी केले नाही, चेहरा बोले ’त्या ’ साठी ॥

प्रत्येकाच्या असतील , नव नव्या कल्पना
तूज साठी एक त्यात, नसे कोणी मारी माथी ॥

तुझा तू शोधी रे मार्ग , अवघड असेलही
वाटणार नाही मग, आलाय ’ लादण्या ’ साठी ॥

आणि जरी थांबलास , नको त्रास नको श्वास
बघू नको मागे वाट , कोणी न, पहाण्यासाठी ॥

व्यक्त होणे तुझ्या साठी, फक्त पुन्हा तुझ्यासाठी
तसदि घेता कशाला , आला आहे जाण्या साठी ॥

सुरेश पेठे
५ जुलै २०११