Wednesday, August 17, 2011
एकमेव निर्धार !
तुझे हे, अजब नव्हे सरकार ?
मनमोहना, असाच का रे, अधांतरी दरबार ॥ धृ ॥
सवे घेउनि भ्रष्टाचारी, कधीच ना त्यां आवरी !
भोळी भाबडी जनता इथली तरी करि जयकार ॥ १ ॥
कसाब आहे इथे जांवई, रोजच मिळे त्यास मलाई
भुकी माणसे बघती तुजकडे मिळेल का आधार ॥ २ ॥
भ्रष्ट भ्रष्ट जे जे असती, पंक्तीला ते तुझ्याच बसती
एक सूरही ’ विरोधात ’ त्या खपवून नाही घेणार ॥ ३ ॥
म्हणे आपुले लोकशाहीचे, सरकार इथे आहे जनतेचे
भ्रष्टाचाराचे रूप नव नवे, दाखवीशीस दशावतार ॥ ४ ॥
जनता इथली मोताद अन्नास, हात लाविशी तरी अण्णास
पापाचे गड्या भरले घडे, आता शीघ्र हो पायउतार ॥ ५ ॥
असलास कितीही निगरगट्ट , पेटली जनता करी हट्ट
मारीत रट्टा, पुरता गाडू , केलाय एकमेव निर्धार ॥ ६ ॥
सुरेश पेठे
१७ ऑगस्ट २०११
Wednesday, August 10, 2011
न्या येथून !
तुज दशदिशा
उरे मज काय ?
रे चरण द्वय
देवा तुझे
केलास उशीर
जरी आजवरी
तृप्त झालॊ हरी
तुझ्या ठायी !
तुझ्याच कृपेने
पोचे इथवर
ही माझी स्थावर
मालमत्ता !
भेटूनि पावलो
हे जगदिश्वरा
आता करा त्वरा
न्या येथून !
सुरेश पेठे
११ ऑगस्ट २०११
Wednesday, July 13, 2011
रक्तांचे सडे
पुन्हा ते रक्तांचे सडे
कुणा घालावे साकडे ?
भेकड ?आम्ही भेकड
तरी घेऊ त्यांची कड !
ऐकवाच बोल खडे
सज्ज रहा,चारा खडे
सुरू नेहमीची रड
का सांभाळावे जोखड ?
सुरेश पेठे
१३ जुलै २०११
कुणा घालावे साकडे ?
भेकड ?आम्ही भेकड
तरी घेऊ त्यांची कड !
ऐकवाच बोल खडे
सज्ज रहा,चारा खडे
सुरू नेहमीची रड
का सांभाळावे जोखड ?
सुरेश पेठे
१३ जुलै २०११
Tuesday, July 12, 2011
चित्ती बहू समाधान !
मज पाहिजे ते मजला मिळाले
त्या सावळ्याचे दर्शन आज झाले ॥
पंढरीस जरी नव्हतो मी गेलो
मज बोलला, तुज भेटीला आलो ॥
कितिक दिसाची आंस मनी होती
सवे मांदियाळि, अन् जनी होती ॥
फेडिले पारणे, तृप्त झाले मन
दिवाळीच जणू तुझे आगमन ॥
तुझ्या भेटीने माझा ना उरलो
संतोषलो परिक्षेत उतरलो ॥
चित्ती बहू समाधान समाधान
तुझ्या समवेत पावो अंतर्धान ॥
सुरेश पेठे
११ जुलै ११
त्या सावळ्याचे दर्शन आज झाले ॥
पंढरीस जरी नव्हतो मी गेलो
मज बोलला, तुज भेटीला आलो ॥
कितिक दिसाची आंस मनी होती
सवे मांदियाळि, अन् जनी होती ॥
फेडिले पारणे, तृप्त झाले मन
दिवाळीच जणू तुझे आगमन ॥
तुझ्या भेटीने माझा ना उरलो
संतोषलो परिक्षेत उतरलो ॥
चित्ती बहू समाधान समाधान
तुझ्या समवेत पावो अंतर्धान ॥
सुरेश पेठे
११ जुलै ११
Monday, July 4, 2011
व्यक्त होण्यासाठी !
भ्रम असतो काहीसा, लेखणी लिही कविता
ही तर दैवी देणगी , व्यक्त तुला होण्यासाठी ॥
भ्रम असतो असाही , ’मी’लिहीतो कवितेला
काही जरी केले नाही, चेहरा बोले ’त्या ’ साठी ॥
प्रत्येकाच्या असतील , नव नव्या कल्पना
तूज साठी एक त्यात, नसे कोणी मारी माथी ॥
तुझा तू शोधी रे मार्ग , अवघड असेलही
वाटणार नाही मग, आलाय ’ लादण्या ’ साठी ॥
आणि जरी थांबलास , नको त्रास नको श्वास
बघू नको मागे वाट , कोणी न, पहाण्यासाठी ॥
व्यक्त होणे तुझ्या साठी, फक्त पुन्हा तुझ्यासाठी
तसदि घेता कशाला , आला आहे जाण्या साठी ॥
सुरेश पेठे
५ जुलै २०११
ही तर दैवी देणगी , व्यक्त तुला होण्यासाठी ॥
भ्रम असतो असाही , ’मी’लिहीतो कवितेला
काही जरी केले नाही, चेहरा बोले ’त्या ’ साठी ॥
प्रत्येकाच्या असतील , नव नव्या कल्पना
तूज साठी एक त्यात, नसे कोणी मारी माथी ॥
तुझा तू शोधी रे मार्ग , अवघड असेलही
वाटणार नाही मग, आलाय ’ लादण्या ’ साठी ॥
आणि जरी थांबलास , नको त्रास नको श्वास
बघू नको मागे वाट , कोणी न, पहाण्यासाठी ॥
व्यक्त होणे तुझ्या साठी, फक्त पुन्हा तुझ्यासाठी
तसदि घेता कशाला , आला आहे जाण्या साठी ॥
सुरेश पेठे
५ जुलै २०११
Thursday, June 16, 2011
त्राण !
बरसत राही घन
आठवांना फुटे पानं
अचंबित झाले मन
पण घेतलीय आण ॥
काय पाहू काय ऐकू
टवकारले गं कान
काहूर आठवणींचा
नाही उरले गं भान ॥
चिंब चिंब चोहिकडे
भिजले सारे आंगण
मज पडले साकडे
नाही साहवे हा ताण ॥
झड झड संपेचना
कसे आवरू रे मन ?
कुठे थांबलासी कान्हा
अंगी उरला ना त्राण ॥
सुरेश पेठे
१६ जून २०११
आठवांना फुटे पानं
अचंबित झाले मन
पण घेतलीय आण ॥
काय पाहू काय ऐकू
टवकारले गं कान
काहूर आठवणींचा
नाही उरले गं भान ॥
चिंब चिंब चोहिकडे
भिजले सारे आंगण
मज पडले साकडे
नाही साहवे हा ताण ॥
झड झड संपेचना
कसे आवरू रे मन ?
कुठे थांबलासी कान्हा
अंगी उरला ना त्राण ॥
सुरेश पेठे
१६ जून २०११
Subscribe to:
Posts (Atom)