किती पाहू वाट ?

युगायुगांची तुझी प्रतिक्षा
ठरलेली रे माझी कक्षा
मजला नुमजे वाट,
किती पाहू रे तुझी वाट .....१

भव्य दिव्य तुझी ती किर्ती
मला वाटते रे भीती
पाहीला तुझा तो थाट,
किती पाहू रे तुझी वाट .....२

साथ तुझी जन्मांतरीची
ताटकळण्याची शिक्षा कसची ?
कशी थोपवू उर्मींची लाट,
किती पाहू रे तुझी वाट ..... ३

जन्मभरीच्या श्वासांतूनही
कधी न चिंतिले तुजवाचोनि
सांग कधी येईल पहाट
किती पाहू रे तुझी वाट ..... ४

 सुरेश पेठे

१५ ऑगस्ट २००८