Sunday, July 25, 2010

गंमत जंमत !



कोणी म्हणतंय दादा मजला
कोणी बनवतंय मज बाबा
नात्यांची वीण संपेचना कधी
बनवित काका अन आजोबा !
.
विश्वाची ह्या असली नातीगोती
जमविली जाती मानव जाती !
एव्हढीच ओळख ह्या नात्यांची
जगता जगताच चिकटती !
.
पल्याड होता जरासे थोडेसे
ती विसरती पाहता पाहता
दोन क्षण घालवू आनंदाने
फिरून मूळ पदावर येता !!
.
हरकून जाऊया नात्यांतच
दोन दिसांची इथली गंमत
आयुष्याच्या ह्या अखेरीस तरी
सुखे वाढवू त्यातच जंमत !

.
.
.
सुरेश पेठे
२९एप्रिल०९

सदरहू कविता मागेच काव्यांजली ह्या ऑर्कूट च्या कम्युनिटी वरून प्रकाशित झाली होती पण ती माझ्या ब्लॉग वर टाकायची राहिली. ही तेथली लींक,